Ɔfã 73
Nyikyerɛ a wɔdze maa Joseph Smith Nkɔnhyɛnyi no na Sidney Rigdon, wɔ Hiram, Ohio, Sanda 10, 1832. Ofitsi Mumu bosoom a otwaa mu no n’ahyɛse na Joseph na Sidney hyɛɛ ase dɛ worikyin kã nyamesɛm, na iyi maa adwensɛɛ a nkorɔfo nyae wɔ Asɔr no ho no kɔr famu (hwɛ dza wɔakyerɛw wɔ Ɔfã 71 n’etsifi no).
1–2, Elderfo wɔdɛ wɔkɔ do kã nyamesɛm no; 3–6, Joseph Smith na Sidney Rigdon wɔdɛ wɔkɔ do kyerɛ Bible no ase kɛpem dɛ wobowie.
1 Na nokwar, dɛm na Ewuradze se, ohia ma me dɛ wɔbɔkɔ do akã asɛmpa no na wɔakɔdo etu nsɔrmba a wɔwɔ mantɔw a etwa ehyia nyina fo kɛpem ehyiadzi a ɔtoado no;
2 Na nkyii, hwɛ, wɔbɛma woehu, anam ehyiadze ne ndze do, hɔn asɛmpakã ndwuma ahorow.
3 Afei, nokwar mese mo nkowaa, Joseph Smith, Kakraba, na Sidney Rigdon, dɛm na Ewuradze se, ohia dɛ hom kyerɛ ase bio;
4 Na susuampaara dɛ mbrɛ hom botum no, hom nkã asɛmpa no wɔ mantɔw a etwa ehyia nyina mu ansaana ehyiadzi no n’aber asõ; na n’ekyir no so obehia dɛ hom bɔkɔ akɔsɔw ndzɛmba a hom rekyerɛ ase no do akɛpem dɛ hom bowie.
5 Na hom mma iyi nyɛ nhwɛdo mma elderfo no nkɛpem dɛ wɔbɛma hɔn nyimdzee bi so bio akã ho, dɛ mbrɛ wɔakyerɛw no mpo no.
6 Afei meremmfa bi nnkã hom ho seseiara. Hom mbɔ hom asen do na hom nyɛ botoo. Ɔnyɛ hɔ dɛm. Amen.