Joseph Smith Nkyerɛase (JSN)

Ɔhen James no Borɔfo Bible Nwoma no, Nkɔnhyɛnyi Joseph Smith hyɛɛ ase dɛ ɔretsentsen no anaadɛ ɔrekyerɛ ase wɔ Obiradzi 1830 mu. Nyankopɔn hyɛɛ no dɛ ɔnkyerɛ ase na ɔmfa no dɛ, dɛ ɔyɛ ne frɛ ne fã bi dɛ ɔyɛ nkɔnhyɛnyi no.

Ɔwɔ mu dɛ Joseph wiee nwoma a ɔrekyerɛ ase no dodowara bɛyɛ Ayɛwoho 1833 dze, eso ɔkɔr do ara kɛpem ber a owui 1844 wɔ ber a ɔyɛɛ adwen dɛ ɔbɛsesa etu no mpon kakra ansaana oeketsintsim. Ɔwɔ mu dɛ wotsintsiim dza ɔakyerɛ ase no bi ma ɔdze puee guado no nkwaber mu dze naaso ɔbɛyɛ dɛ sɛ ɔtsenaa nkwa mu a nkyɛ ɔbɛyɛ nsesãa no bi so akã ho ma ɔdze dwumadzi no nyina epue guado. Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no a Wɔasan akyekyer no dze Joseph Smith ne nkenyan nsɛm a ɔkyerɛɛ ase no puee guado wɔ 1867 mu. Ofi dɛm ber no wɔdze no mu dodowara so epue guado.

Nkɔnhyɛnyi no sũaa ndzɛmba pii ber a nkyerɛase dwumadzi no rokɔ do no. Nkyerɛkyerɛ na Ahyɛmudzi no mu Afã dodowara onyae osian no dwumadzi no ntsi (beebi tse dɛ N&A 76; 77; 91; na 132). Ewuradze so maa Joseph nkyerɛkyerɛ soronko bi dɛ ɔmfa nkyerɛ nsɛm no ase, a wɔkyerɛwee wɔ Nkyerɛkyerɛ na Ahyɛmudzi mu (N&A 37:1; 45:60–61; 76:15–18; 90:13; 91; 94:10; 104:58; 124:89). Moses nwoma no nye Joseph Smith—Matthew, a sesei wɔdze akã Bota a Ɔsom—bo Mapã no ho no, wɔfaa no akwantsen fii Joseph Smith ne nsɛm a ɔkyerɛɛ ase no mu.

Nsɛm a Joseph Smith kyerɛɛ ase no dze ndzɛmba a ɔyɛ pefee na ndzɛmba a ɔsom bo kɛse no a ayew wɔ Bible mu no asan aba (1 Ne. 13). Ɔwɔ mu dɛ nnyɛ ɔno nye Asɔr no ne Bible dze naaso nsɛm a wɔakyerɛ ase no dze nhumu pii a ɔyɛ enyigye na ɔsom bo no ama na ɔma etse Bible no mu nsɛm ase yie. Ɔyɛ dasegye so dze ma Nkɔnhyɛnyi Joseph Smith ne frɛ krɔnkrɔn na no somdwuma no.