Adzekorabea

Bea a bishop gye ndzɛmba gu, ɔhwɛ do, na ɔkyekyɛ Nda a Odzi Ekyir Ahotseweefo hɔn afɔrbɔdze no dze ma ehiafo no. Adzekorabea biara bɛyɛ kɛse anaa kakraba dɛ mbrɛ gyinabew no behia. Ahotseweefo anokwafo no dze hɔn talent, nsaanodwuma, ndzɛmba anaa sika so ma bishop ma ɔdze ahwɛ ehiafo wɔ hiaber mu. Dɛm ntsi, ɔsom a wobotum ayɛ aboa binom sika, edziban, anaa ndzɛmba horow binom so botum akã ndzɛmba a ɔwɔ adzekorabea hɔ. Bishop no ɔnye adzekorabea n’ananmusinyi na ɔkyekyɛ ndzɛmba na ɔsom a binom som dɛ mbrɛ Ewuradze no Sunsum no bɛkyerɛ (N&A 42:29–36; 82:14–19).