Owu, Sunsum mu

Etwe woho fi Nyankopɔn na Ne nhyɛdo ho; iwu dze ma ndzɛmba a ɔfa tseneneeyɛ ho. Lucifer na ɔsor dɔmtutuw ne kyɛmu ebiasa mu kor wuu sunsum mu owu ber a wɔpaam hɔn fii sor no (N&A 29:36–37).

Adam n’Asehwe na ɔdze sunsum mu owu baa wiadze (Moses 6:48). Atseasefo a wɔwɔ adwen bɔn, kã kasa bɔn, na wodzi dwuma bɔn no wu wɔ sunsum mu ber a wɔtse nkwa mu wɔ asaase do (1 Tim. 5:6). Wɔnam Jesus Christ No Werdambɔ na setsie a wɔyɛ ma asɛmpa ne fapem na n’ayɛdze no do, mbanyin na mbaa botum atsew hɔnho efi bɔn mu na woedzi konyim wɔ sunsum mu owu do.

Honandua owu ekyir no sunsum mu owu so ba. Hɔn a wɔasoɛr efi owu mu na abɔnsam nye n’abɔfoe nyinara wobobu hɔn atsɛn. Hɔn a wɔnam enyidaho mu tseew etua wɔ asɛmpa no ne kan na no nokwar ho no bowu sunsum mu owu. Dɛm owu yi na wɔtaa frɛ no owu mprenu no (Alma 12:16; Hel. 14:16–19; N&A 76:36–38).