Sacrament

Nda a Odzi Ekyir Ahotseweefo no, sacrament kyerɛ ayɛdze a ɔfa woridzi paanoo na wɔronom nsu dze akaa Christ No werdam afɔrbɔ no. Paanoo a woebubu no gyina hɔ ma No honam a woebubu; nsu no gyina hɔ ma bɔgya a Okyii dze bɔɔ werdam maa hɛn bɔn no (1 Cor. 11:23–25; N&A 27:2). Sɛ Asɔrmba a wodzi mu no dzi sacrament a, wɔbɔ anohoba dɛ wɔbɛfa Christ Ne dzin ato hɔn do, na wɔakaa No aber nyina, na woeesie Ne mbrasɛm. Ɔnam ayɛdze yi do, Asɔrmba kenyan hɔn enuma ahyɛmudzi no fofor.

Edzidzi a Odzi Ewiei no, Jesus kyerɛkyerɛɛ sacrament ayɛdze no ase ber a Ɔnye Asomafo Duebien no dzidzii no (Matt. 26:17–28; Luke 22:1–20).