Exodus

Nwoma a Moses kyerɛwee wɔ Ahyɛmu Dadaw no mu a ɔkyerɛ mbrɛ Israelmba sii fii Egypt. Israel ho abakɔsɛm a odzi kan dɛ mbrɛ wɔakyerɛw wɔ Exodus mu no, wobotum akyɛ mu ebiasa: (1) nkorɔfo no hɔn nkowaasom wɔ Egypt, (2) Hɔn Egypt edzi fir a Moses yɛɛ hɔn banodzifo, na (3) hɔn etuhoakyɛ wɔ Nyame no som na wiadze amambu abrabɔ mu.

Dza odzi kan, Exodus 1:1–15:21 no, kyerɛ mbrɛ wosii tseetsee Israelmba wɔ Egypt; abakɔsɛm a odzi kan no na Moses ne frɛ; Exodus no na mbrɛ Apaho afe sii bae; nye nsera a wɔbɔe dze kɔr Po Memen ho, mbrɛ wosii sɛɛ Pharaoh ne nsordaafo no; na Moses no konyimdzi ndwom.

Dza otsĩa ebien, Exodus 15:22–18:27 no, kã Israelmba hɔn ɔpon na hɔn akwantu mu dza osisii fi Po Memen ho dze kodu Sinai; Marah esu wenwen no, nkokɔhwerɛw na manna ne mmae, Ahomgyeda ne nsiei, anwanwadze akyɛdze nsu wɔ Rephidim, na ɔkõ a wɔnye Amalekfo koe wɔ hɔ; Jethro ne nseraban do hɔ nkɔree na n’afotu a ɔfa amambu ho a ɔdze maa dɔm no.

Dza otsia ebiasa, etsir 19–40, kã mbrɛ Israelmba sii tuu hɔnho sii hɔ dze maa Nyankpoɔn no som wɔ awɔse ndzɛmba a osisii Sinai hɔ no ho. Ewuradze yii nkorɔfo no sii hɔ dɛ asɔfo ahenman na ɔman krɔnkrɔn; Ɔdze Mbra Du no mae; na Ɔmaa hɔn nkyerɛkyerɛ a ɔfa ehyiadzibuw no ho; no mu ndua edwindze, na no mu ɔsom. Nkyii so bɔn a nkorɔfo no yɛe dɛ wɔsoom sika nantwi ohonyi no, na dza odzi ewiei no yɛ abakɔsɛm a ɔfa ehyiadzibuw ne nsii ho na no mu ndzɛmba a wobehia dze ayɛ no mu som no.