Romefo, Nwoma a Wɔdze Kɛma

Ahyɛmu Fofor mu no, nwoma bi a Paul kyerɛwee dze kɛmaa Rome Ahotseweefo no. Nna ɔrodwen ho dɛ ɔbɔkɔ akɛsera Jerusalem, nna dza ɔda edzi pefee nye dɛ ɔbɛyɛ mbusu. Sɛ ɔdze no nkwa guan a, ɔwɔ enyidado dɛ ekyir no ɔbɔkɔ akɛsera Rome. Nwoma no n’asekyerɛ ne fã bi nye dɛ obesiesie Asɔr a ɔwɔ hɔ no ma ɔagye no ber a ɔbɛba no. Yɛbɛfa ayɛ so dɛ nsɛm a ɔwɔ mu no yɛ nkyerɛkyerɛ bi a nna wentwiwentwi bi aba ho na dɛ afei Paul ma wohu dɛ woesi no pi korakora.

Tsir 1 yɛ nkyia a Paul dze ma Romefo no. Etsir 2–11 mu no yɛ dawurbɔ pii a ɔfa gyedzi, ndwuma, nye adom nkyerɛkyerɛ ho. Etsir 12–16 yɛ abrabɔ mu nkyerɛkyerɛ a ɔfa ɔdɔ, ndwuma, nye krɔnkrɔnyɛ ho.