Lot

Ahyɛmu Dadaw mu no, Haran ne babanyin na Abraham n’awɔfase (Gen. 11:27, 31; Abr. 2:4). Haran wui osian kɔm a ɔbaa Ur ntsi (Abr. 2:1). Lot nye Abraham na Sarah fii Ur na ɔnye hɔn tuu kwan kɔr Canaan (Gen. 12:4–5). Lot pɛɛ dɛ ɔtsena Sodom. Osian nkorɔfo no hɔn emumuyɛdze ntsi Ewuradze somaa abɔfo dɛ wɔnkɔbɔ Lot kɔkɔ dɛ onguan mfi Sodom ansaana Ewuradze asɛɛ no (Gen. 13:8–13; 19:1, 13, 15); naaso, Lot ne yer buu no kɔn ekyir hwɛɛ ɔsɛɛ no na ɔdan nkyensiw (Gen. 19:26). Ahyɛmu Fofor mu no Lot noho nsɛm wɔ hɔ (Luke 17:29; 2 Pet. 2:6–7). Ne bra mu nsɛm ber a ɔtseew noho fii Abraham ho no wɔakã ho nsɛm wɔ Genesis 13, 14, na 19.