Jewfo botum ayɛ (1) Judah, Jacob ne mbabanyin duebien no hɔn mu kor no n’asefo, (2) tsetseberdo nkorɔfo a nna wɔwɔ Judah ahenman n’anaafo apaamu hɔ no, anaa (3) nkorɔfo a wɔsom wɔ Judahfo hɔn nyamesom kwan do na wɔbɔ hɔn bra tse dɛ Judahfo na mbom ɔbɛyɛ dɛ wɔyɛ Jewfo anaadɛ wɔnnyɛ Jewfo wɔ awoo mu no. Abɛyɛ asɛm a wɔkã dɛ kasafua Jew no gyina hɔ ma Jacob n’asefo nyinara, mbom iyi yɛ mfom. Ɔsɛ dɛ wɔdze frɛ hɔn a wofi Judah ahenman no mu no anaa, nkanka ndɛ ber yi, hɔn a wofi Judah ebusuakuw mu nye hɔn a wɔkã noho no.