Sunsum Krɔnkrɔn

Nyametsir no hɔn mu nyia otsia ebaasa no (1 Jn. 5:7; N&A 20:28). Ɔyɛ Sunsum nyimpa su, onnyi honam nyimpadua na mbiew (N&A 130:22). Wɔtaa kã dɛ Sunsum Krɔnkrɔn no yɛ Nyame no Sunsum.

Sunsum Krɔnkrɔn no dzi dwuma tsitsir ahorow pii wɔ nkwagye nhyehyɛɛ no mu (1) Ɔgye Egya na Ɔba no hɔnho dase (1 Cor. 12:3; 3 Ne. 28:11; Ether 12:41). (2) Ɔda nokwar a ɔwɔ ndzɛmba nyina mu edzi (John 14:26; 16:13; Moro. 10:5; N&A 39:6). (3) Ɔtsew hɔn a woenu hɔnho na woenuma hɔn no ho (John 3:5; 3 Ne. 27:20; Moses 6:64–68). (4) Ɔyɛ Anohoba Sunsum Krɔnkrɔn no (N&A 76:50–53; 132:7, 18–19, 26).

Sunsum Krɔnkrɔn no tum no tum ba nyimpa do ansaana woenuma no na ɔagye dase dɛ asɛmpa no yɛ nokwar. Mbom dɛ obenya Sunsum Krɔnkrɔn n’anyɛnkoyɛ kyɛfa aber nyina, ber biara a odzi mu no, yɛ akyɛdze a wobotum enya gyedɛ obi a okitsa Melchizedek Asɔfodzi dze ne nsa egu no do ber a nyia okura enuma tumdzi oenuma no ato Jesus Christ no nokwar Asɔr no mu.

Jesus kyerɛkyerɛɛ dɛ wotum dze bɔn nyina kyɛ gyedɛ wɔkasa tsia Sunsum Krɔnkrɔn no (Matt. 12:31–32; Mark 3:28–29; Luke 12:10; Heb. 6:4–8; N&A 76:34–35).

Sunsum Krɔnkrɔn no bɛkã akyerɛ wo wɔ w’adwen na w’akoma mu, N&A 8:2.
Sunsum no gya wo ma eyɛ papa, N&A 11:12.
Sunsum Krɔnkrɔn no nyim adze nyinara, N&A 35:19.
Sunsum Krɔnkrɔn no kyerɛkyerɛ ahenman n’asomdwee ndzɛmba no, N&A 36:2 (N&A 39:6).
Sɛ hom nsa nkãa Sunsum Krɔnkrɔn no a, mma hom nnkyerɛkyerɛ, N&A 42:14.
Sunsum Krɔnkrɔn no gye Egya nye Ɔba hɔnho dase, N&A 42:17 (1 Cor. 12:3; 3 Ne. 11:32, 35–36).
Ɔnam Sunsun Krɔnkrɔn no do wɔdze ama binom dɛ wonhu dɛ Jesus Christ yɛ Nyame ne Ba, N&A 46:13.
Biribiara a Sunsum Krɔnkrɔn no bekenyan hɔn ma wɔakã no bɛyɛ kyerɛwsɛm, N&A 68:4.
Sunsum Krɔnkrɔn no bɛgye dase wɔ dza hom bɛkã nyinara ho, N&A 100:8.
Ibenya Sunsum Krɔnkrɔn n’ayɛnkoyɛ homho aber nyina, N&A 121:45–46.