Leviticus

Nwoma bi a ɔwɔ Ahyɛmu Dadaw mu a ɔkã asɔfo hɔn dwumadzi wɔ Israel ho nsɛm. Osi Nyankopɔn No krɔnkrɔnyɛ no pi na ɔkyerɛ kwan a sɛ No nkorɔfo fa do a wobotum abɔ bra a ɔbɛma wɔayɛ krɔnkrɔn. No botae nye dɛ ɔbɛkyerɛkyerɛ subanpa ho adze na dɛ wɔnam sunsum mu ayɛdze do ehu Moses mbra no na nyamesom mu nokwar no. Moses na ɔkyerɛɛw Leviticus nwoma no.

Etsir 1–7 kyerɛkyerɛ afɔrbɔ ayɛdze no mu. Etsir 8–10 kã sunsum mu ayɛdze a wɔyɛ dze tu asɔfo hyɛ Ewuradze nsa. Tsir 11 kyerɛ dza ɔwɔ dɛ wodzi na dza ɔnnsɛ dɛ wodzi na dza no ho tsew na dza no ho nntsew. Tsir 12 pɛnsampɛnsam dza ɔsɛ dɛ mbaa yɛ no hɔn awoo ekyir. Etsir 13–15 yɛ enyido-ayɛdze a ɔfa dza ɔyɛ efĩfĩdze ho. Tsir 16 no yɛ sunsum mu ayɛdze a ɔsɛ dɛ wɔyɛ wɔ Werdambɔ Da no mu. Etsir 17–26 yɛ mbra bi a ɔfa nyamesom na ɔman mu ayɛdze a ɔwɔ dɛ wɔyɛ ho. Tsir 27 kyerɛkyerɛ dɛ Ewuradze ahyɛ Israelmba dɛ wontu hɔn ndɔbaa, nguan, na anantwi nhyɛ Ewuradze nsa.