Awoo Fofor, Nyankopɔn Awo no Hwɛ Christ no Mbofra; Enuma, Numa; Honammunyi; Nsakyer, Sakyer; Nyame Mbabanyin na Mbabaa; Wɔawoo no iyi so Sɛ nyimpa nya Ewuradze no Sunsum a ɔdze nsakyer kɛse ba n’akoma mu na dɛm ntsi onnya pɛ bio dɛ ɔbɛyɛ bɔn, mbom ɔma onya pɛ dɛ ɔbɔhwehwɛ ndzɛmba a ɔyɛ Nyame dze. Medze sunsum fofor bɛhyɛ hom mu, Ezek. 11:19 (Ezek. 18:31; 36:26). Hɔn a wɔgyee Christ ne dzin dzii no ommfi bɔgya mu, na ofi Nyankopɔn mu woo hɔn, John 1:12–13. Sɛ woemmfi nsu nye Sunsum mu annwo nyimpa a, orunntum nnhɛn Nyankopɔn ahenman mu, John 3:3–7. Wɔnam Nyankopɔn n’asɛm do botum awo hɛn fofor, 1 Pet. 1:3–23. Obiara a Nyankopɔn awo no no nnkɔ do nnyɛ bɔn, JSN, 1 Jn. 3:9. Osiandɛ biribiara a Nyankopɔn awo no no odzi wiadze do konyim, 1 Jn. 5:4. Hɔn a Christ awo hɔn no nye Nyankopɔn dzi ahyɛmu, Mosiah 3:19; 5:2–7. Otwar dɛ wɔwo nyimpa nyinara fofor; nyew, Nyankopɔn wo hɔn, Mosiah 27:25–26 (Alma 5:49). Ana Nyankopɔn awo hom wɔ sunsum mu, Alma 5:12–19. Sɛ wɔannwo hom fofor a, hom rinnya ɔsor ahenman no, Alma 7:14. Obiara a ɔgye me nsɛm dzi no mobɔwo no, medze nsu na Sunsum mpo, N&A 5:16. Otwar dɛ wɔwo hom fofor to ɔsor ahenman no mu, Moses 6:59.