Joseph, Jacob ne Babanyin

Ahyɛmu Dadaw mu no, Jacob na Rachel hɔn abakamba banyin (Gen. 30:22–24; 37:3).

Joseph ne nsa kãa Israel awoo mu panyin no osiandɛ Reuben a ɔyɛ Jacob ne yer a odzi kan n’abakamba no nam mbrato do yeew ndzinoa no (1 Mber. 5:1–2). Osiandɛ ɔfata ntsi, Joseph a ɔyɛ Jacob ne yer a otsĩa ebien no n’abakamba no nna ɔyɛ nyia ɔtɔ do a ɔwɔ dɛ onya nhyira no. Joseph so ne nsa kãa nhyira fii n’egya hɔ ansaana Jacob rubowu (Gen. 49:22–26).

Joseph yɛ nyimpa bi a ɔwɔ nyimdzee kɛse, obi a ɔyɛ “ɔbadwembanyi nye onyansafo” (Gen. 41:39). Ɔpoow Potiphar ne yer no no yɛ gyedzi, ahosie, na n’emudzi ne fasusu no bi (Gen. 39:7–12). Egypt hɔ no ber a Joseph daa noho edzi kyerɛɛ no nuanom no, nkyɛ ɔwɔ dɛ ɔbɔ hɔn sombo wɔ dza wɔdze yɛɛ no no ho no ɔannyɛ, mbom ɔdaa hɔn ase. Ɔgyee dzii dɛ hɔn ndzeyɛɛ no boaa no ma ɔyɛɛ Nyankopɔn ne pɛ (Gen. 45:4–15).

Da a odzi ekyir nyikyerɛ da Joseph n’ebusua no hɔn dwumason no edzi wɔ nda a odzi ewiei no mu (JSN, Gen. 50:24–38 [Ntaekyir Nwoma]; 2 Ne. 3:3–24; 3 Ne. 20:25–27).