Ngyinahɔma

Edze biribi anaa honyi bi a ɔsɛ adze bi bɔto dɛm adze no ho. Ngyinahɔma a ɔwɔ kyerɛwsɛm mu no wɔfa adze bi, dza osii, anaa nsɛm bi dze yɛ mfatoho dze kyerɛkyerɛ asɛmpa no mu dze da fapem bi edzi. Mfatoho bi nye iyi, Mormon Nwoma mu nkɔnhyɛnyi Alma dze aba gyina hɔ maa Nyankopɔn n’asɛm (Alma 32).

Nkɔnhyɛfo a wɔwɔ kyerɛwsɛm mu nyinara dze ngyinahɔma kyerɛkyerɛɛ Jesus Christ no ho nsɛm. Ngyinahɔmadze yinom bi nye ɔsom mu dwumadzi na ayɛdze (Moses 6:63), afɔrbɔ (Heb. 9:11–15; Moses 5:7–8), sacrament (JSN Mark 14:20–24 [Ntaekyir Nwoma]; Luke 22:13–20), na enuma (Rom. 6:1–6; N&A 128:12–13). Kyerɛwsɛm mu edzin pii yɛ ngyinahɔma. Ahyɛmu Dadaw mu ntamadan mu dwumadzi na Moses mbra gyinaa hɔ maa onnyiewiei nokwar ho mfatoho (Heb. 8–10; Mosiah 13:29–32; Alma 25:15; Hel. 8:14–15). Mfatoho binom so no, hwɛ Matthew 5:13–16; John 3:14–15; Jacob 4:5; Alma 37:38–45.