Abɔnsam

Satan. Abɔnsam yɛ tseneneeyɛ nye hɔn a wɔper dɛ wɔbɛyɛ Nyankopɔn ne pɛ tamfo. Ɔyɛ Nyankopɔn no sunsum ba ankasa na mber bi na ɔyɛ ɔbɔfo a okitsa tumdzi wɔ Nyankopɔn n’enyim (Isaiah 14:12; 2 Ne. 2:17). Mbom ɔtseew etua wɔ ber a nna yennyaa mmbaa asaase do no na ɔdaadaa Egya n’esunsum mba no hɔn nkyɛmu ebiasa no mu kor ma wɔnye no tseew etua (N&A 29:36; Moses 4:1–4; Abr. 3:27–28). Wɔtoow hɔn fii sor kyenee, wɔamma woennya nyimpadua a ɔbɛma woenya ntɔhunii wɔ ɔnnkyebo asetsena mu, na wobenya onnyiewiei afɔbu. Ofi ber a wɔtoow abɔnsam fii sor kyenee no, osii nketse dɛ ɔbɔkɔ do adaadaa mbanyin na mbaa nyinara na ɔatwe hɔn efi Nyankopɔn n’edwuma ho ama adasamba nyinara abɛyɛ mbɔbɔr dɛ ɔnoara (Nyi. 12:9; 2 Ne. 2:27; 9:8–9).

Wɔbɔtwe emumuyɛfo dze hɔn abɛhyɛ abɔnsam no ndɔmmum ase, 1 Ne. 14:7.
Abɔnsam nye ator nyinara egya, 2 Ne. 2:18 (Moses 4:4).
Abɔnsam pɛ dɛ nyimpa nyinara yɛ mbɔbɔr dɛ ɔnoara, 2 Ne. 2:27.
Sɛ honandua nnkɔsoɛr bio a, nkyɛ hɛn esunsum otwar dɛ ɔbɛhyɛ abɔnsam n’ase, 2 Ne. 9:8–9.
Abɔnsam no bo bofuw, ɔama hɔn akoma atɔ hɔn yamu, na ɔadaadaa, 2 Ne. 28:20–23.
Dza ɔyɛ bɔn no fi abɔnsam hɔ, Omni 1:25 (Alma 5:40; Moro. 7:12, 17).
Hom nhwɛ yie ma wentwiwentwi annsoɛr hom mu, amma hom annyɛ setsie amma sunsum fĩ, Mosiah 2:32.
Sɛ hom nnyɛ oguanhwɛfopa no no nguan a, abɔnsam nye hom guanhwɛfo, Alma 5:38–39.
Abɔnsam renngye ne mba, Alma 30:60.
Hom mbɔ mpaa aber nyina amma abɔnsam anntwe hom annkɔ nsɔhwɛ mu, Alma 34:39 (3 Ne. 18:15, 18).
Hom ntow hom fapem wɔ Ɔpomfo no do amma abɔnsam n’ehum dzendzen no ennya tum wɔ hom do, Hel. 5:12.
Abɔnsam nye bɔn nyina farbaa, Hel. 6:26–31.

Abɔnsam n’asɔr

Kuw bɔn biara na dza ɔyɛ wiadze dze biara a ɔwɔ asaase do a ɔkontom asɛmpa no krɔnkrɔnyɛ na n’emudzi na ɔkõ tsia Nyame n’Eguambaa no.