Judah

Judah ebusuakuw no na odzii kan ekyir no a, wɔkɛtsenaa Canaan no. No korafo tsitsir nye Ephraim ebusuakuw no. Moses hyiraa Judah ebusuakuw no (Deut. 33:7). Solomon n’ahendzi ekyir no, Judah ebusuakuw no bɛyɛɛ Judah ahenman no.

Rehoboam n’ahendzi mu no, osian nyinkuntwe a ɔbɛdaa Ephraim ebusuakuw na Judah ebusuakuw no mu ntsi, Solomon n’ahenman no mu kyɛɛ ebien ma ɔyɛɛ nhenman ebien. Anaafo ahenman anaadɛ Judah ahenman no, no mu mba nye Judah ebusuakuw nye Benjamin ebusuakuw hɔn mu dodowara. Nna Jerusalem nye no kuropɔn. Ne nyina mu no hɔn na wɔdaa ho dzii nokwar wɔ Jehovah no som ho kyɛɛn dza etsifi ahenman no mu dɔm no yɛe no. Atamfo a wofi etsifi na boka anntaa annhaw Judah, na tum ne kɛse daa ho kaa David ebusua no nsamu kodur dɛ wɔbɛfaa hɔn ndɔmmum kɔr Babylon. Judah ahenman no bɔɔ mbɔdzen tsenaa ase mfe 135 ber a Israel ahenman no a wɔyɛ dɔmtutuw na ɔwɔ tum mbordo kyen no no hwee ase, ekyir no.

Iyi gyina hɔ ma Bible no dɛ ɔyɛ Judah fifo hɔn nkyerɛwee (Ezek. 37:15–19). Nda a odzi ewiei no mu ber a Israel fifo nkorbata horow no wɔaboaboa hɔn ano no, hɔn nkyerɛwee krɔnkrɔn no so wɔbɔboaboa ano abɔ mu. Dɛm kyerɛwsɛm abakɔsɛm yinom bofua hɔnho nkorkor na wɔabɔ mu ayɛ dasegye kor dɛ Jesus nye Christ no, Israel Nyankopɔn na asaase nyina hɔn Nyankopɔn no (JSN, Gen. 50:24–36 [Ntaekyir Nwoma]; 2 Ne. 3; 29).