Nephi, Lehi ne Babanyin

Mormon Nwoma no mu, Lehi na Sariah hɔn babanyin tseneneenyi (1 Ne. 1:1–4; 2:5). Nephi nyaa gyedzi a ɔyɛ dzen wɔ Nyankopɔn asɛm mu (1 Ne. 3:7) na ɔbɛyɛɛ nkɔnhyɛnyi kɛse, nyia ɔdze kyerɛwsɛm sie, nye no nkorɔfo hɔn kandzifo.

Ɔyɛɛ setsie na ɔbɔɔ mpaa wɔ gyedzi mu, 1 Ne. 2:16.
Ɔsanee kɔr Jerusalem dɛ ɔrekɛgye ayewa mprɛtse no, 1 Ne. 3–4.
Ɔsanee kɔr Jerusalem dɛ ɔdze Ishmael n’ebusua reba sar no do, 1 Ne. 7.
Onyaa enyido-adzehu no a Lehi nyae no, 1 Ne. 10:17–22; 11.
Ohun no nkorɔfo hɔn ndaamba na asɛmpa no a wɔdze bɛsan abɔbɔadze no wɔ enyido-adzehu mu, 1 Ne. 12–13.
Ɔkyerɛ nkwadua ho enyido-adzehu no ase, 1 Ne. 15:21–36.
Obuu n’egyen mu naaso ɔnam gyedzi ntsi otumii nyaa edziban, 1 Ne. 16:18–32.
Ɔpaam nsuhɛn na otuu kwan kɔr anohoba asaase no do, 1 Ne. 17–18.
Nephifo na Lamanfo paapaa hɔn mu, 2 Ne. 5.
Ɔgyee dase a odzi ewiei, 2 Ne. 33.

1 Nephi nwoma no

Etsir 1 kɛpem 18:8 ne kɛse kã ber a nkɔnhyɛnyi Lehi na n’ebusua rifi Jerusalem no ho asɛm. Wotwaa sar kɛsɛɛ bi ansaana worudu mpoano. 1 Nephi 18:9–23 kã hɔn kwan a wotui dɛ wɔdze rokɔ anohoba asaase do no ho asɛm, dɛ mbrɛ Ewuradze kyerɛe, a Laman na Lemuel hɔn etuatsew no ammfa ho. Etsir 19–22 kã botae a Nephi dze kyerɛɛw kyerɛwsɛm no (1 Ne. 6; 19:18)—dze atwe obiara n’adwen ma wɔaakaa Ewuradze hɔn Pomfo. Ɔserɛe kãa (1 Ne. 20–21) na ɔkyerɛɛ Isaiah ne nsɛm no ase, a ɔdze enyidado dɛ obiara bɛba ebohu dɛ Jesus Christ nye hɔn Agyenkwa na Pomfo (1 Ne. 22:12).

2 Nephi nwoma no

Etsir 1–4 kã Lehi ne nkyerɛkyerɛ na nkɔnhyɛsɛm a odzi ewiei ansaana oruwu no mu bi ho asɛm, dza ɔkã ho nye nhyira a ɔdze hyiraa ne mbabanyin na hɔn asefo. Itsir 5 no kyerɛkyerɛ siantsir a Nephifo tseew hɔnho fii Lamanfo ho no. Nephifo no sii temple, kyerɛkyerɛɛ Moses mbra no, na wɔdze kyerɛwsɛm no siei. Etsir 6–10 mu na Jacob, Nephi no nuabanyin kakraba no ne nsɛm wɔ. Jacob sanee kyerɛɛw Judah n’abakɔsɛm no bio na ɔhyɛɛ Messiah ho nkɔm, no mu bi wɔ hɔ a ɔfae fii nkɔnhyɛnyi Isaiah ne kyerɛwsɛm no mu. Etsir 11–33 mu no, Nephi kyerɛɛw ne dasegye a ɔfa Christ ho, Jacob ne dasegye, nda a odzi ekyir mu nkɔnhyɛsɛm, na etsir pii a ɔwɔ Isaiah nwoma a ɔwɔ Ahyɛmu Dadaw mu no.