Kwan a Nyankopɔn fa do nye Ne mba a wɔwɔ asaase do kasa. Nyikyerɛ botum edua Christ Ne Kan na Sunsum Krɔnkrɔn Ne nkenyanee, enyido-adzehu, adaaso anaa abɔfo nserae do aba. Nyikyerɛ kyerɛ kwan a obotum agye agyedzifo ma wɔaakɔ nkwagye a onnyiewiei mu wɔ celestial ahenman mu.
Ewuradze da N’edwuma edzi kyerɛ No nkɔnhyɛfo na Osi no pi dze kyerɛ agyedzifo dɛ dza Oyi kyerɛ No nkɔnhyɛfo no yɛ nokwar (Amos 3:7). Ewuradze dua nyikerɛ do dze bambɔ ma ankorankor biara a ɔper hwehwɛ no, na ɔwɔ gyedzi, onu noho, na odzi Jesus Christ N’asɛmpa no do. Joseph Smith kãa dɛ “Sunsum Krɔnkrɔn no yɛ oyikyerɛfo,” na “obiara nnyi hɔ a obotum ne nsa akã Sunsum Krɔnkrɔn no wɔ ber a onnya nyikyerɛ.”
Ewuradze N’Asɔr mu no, President a Odzi Kan na n’Apamfo na Asomafo Duebien Quorum no yɛ nkɔnhyɛfo, adzehufo na nyikyerɛfo dze ma Asɔr no na wiadze. Asɔr no ne President no nko na Ewuradze ama no tumdzi dɛ ɔngye nyikyerɛ mfa mma Asɔr no (N&A 28:2–7). Nyimpa biara botum enya nyikyerɛ dze ama nankasa ne yieyɛ.