Bethel

Hebrew kasa mu no, ne nkyerɛase nye “Nyankopɔn ne fie”, na ɔyɛ Israel mbea a hɔ yɛ krɔnkrɔn papaapa no mu kor. Bea no wɔ Jerusalem n’etsifi apaamu, na ofitsi hɔ kɔ Jerusalem no yɛ bɛyɛ aborɔfokwansin 10 (kilomita duesia). Ha na Abraham sii n’afɔrmbukyia wɔ ber a odzii kan dur Canaan no (Gen. 12:8; 13:3). Ha na Jacob hun atwer a n’etsifi pem sor wɔ enyido-adzehu mu (Gen. 28:10–19). Nna ɔyɛ bea krɔnkrɔn so wɔ Samuel ne nda mu (1 Sam. 7:16; 10:3).