Asetsena a ɔwɔ hɔ ansaana dɛm wiadze asetsena yi reba. Nna mbanyin na mbasiafo nyina nye Nyankopɔn tse hɔ dɛ wɔyɛ N’esunsum mba ansaana wɔreba asaase do dɛ nyimpa a wɔnnkye bo. Ɔto mber bi a wɔfrɛ iyi asetsena a odzi kan (Abr. 3:26 ).
Aber a Nyankopɔn too asaase ne fapem no, Nyankopɔn ne mba nyina bɔɔ ose wɔ enyigye mu, Job 38:4–7 .
Sunsum bɛsan akɔ Nyankopɔn a ɔdze mae no hɔ, Ɔsɛn. 12:7 .
Ansaana moween wo yafun mu no, nna minyim wo, Jer. 1:4–5 .
Hɛn nyinara yɛ ne mbanana, Ndwuma 17:28 .
Nyankopɔn saan mu yii hɛn ansaana wɔrehyɛ wiadze ase, Eph. 1:3–4 .
Ɔwɔ dɛ yɛdze hɛnho hyɛ sunsum mu Egya no ase, Heb. 12:9 .
Wɔdze abɔfo no a wɔannkora hɔn mpanyindzi do no ɔdze hɔn egu daa nkrumfi mu, Jude 1:6 (Abr. 3:26 ).
Wɔtoow Abɔnsam na n’abɔfoe gui, Nyi. 12:9 .
Christ hwɛɛ mber a onnyiewiei nye ɔsor dɔm ho ansaana wɔrobɔ wiadze, N&A 38:1 .
Ahyɛse no nna nyimpa so nye Nyankopɔn wɔ hɔ, N&A 93:29 (Hel. 14:17 ; N&A 49:17 ).
Wɔsaan mu yii esunsum etsitsir fi ahyɛse no dɛ wɔnyɛ ahwɛfo wɔ Asɔr no mu, N&A 138:53–55 .
Pii nyaa hɔn adzesua a odzi kan no wɔ esunsum wiadze mu, N&A 138:56 .
Wɔbɔɔ adze nyina sunsum mu ansaana wɔreba asaase do, Moses 3:5 .
Mobɔɔ wiadze, nye nyimpa ansaana wɔreba honam mu, Moses 6:51 .
Abraham hun sunsum mu enyansafo a wɔhyehyɛɛ ansaana wɔrobɔ wiadze, Abr. 3:21–24 .