Obi a ɔhwɛ obi n’egyapadze do ma no. Adze a ɔhwɛdofo no hwɛ do no wɔfrɛ no nkontaabudze. Ndzɛmba nyina a ɔwɔ asaase do no yɛ Ewuradze dze; yɛyɛ N’ahwɛdofo. Ɔwɔ dɛ yebu nkontaa ma Ewuradze, mbom ɔwɔ dɛ yebu nkontaa wɔ hɛn dwumadzi ho ma hɔn a Nyankopɔn N’ananmusifo a ɔama hɔn tumdzi wɔ asaase do no. Sɛ yenya ɔsom ho ɔfrɛ fi Ewuradze anaa N’asomfo a ɔama hɔn tumdzi hɔ a, dɛm nkontaabudze no tum yɛ sunsum mu nye honam mu adze nyina (N&A 29:34).