Owusoɛr

Sunsum no bɔbea na honam mu Nyimpadua a ɔyɛ honam na mbiew hɔn nkabɔmu bio wɔ owuekyir. Owusoɛr ekyir no, sunsum na nyimpadua no nnkɛpaa mu ara bio, na nyimpa bɛyɛ bɛkyebo. Nyimpa biara a wɔwoo no asaase do no bɔsoɛr efi ewufo mu osiandɛ Jesus Christ dzii owu do konyim (1 Cor. 15:20–22).

Jesus Christ nye nyimpa a Odzii kan soɛree fii ewufo mu wɔ asaase yi do (Ndwu. 26:23; Col. 1:18; Nyi. 1:5). Ahyɛmu Fofor no gye dase pii a ɔkyerɛ dɛ Jesus dze No nyimpadua soɛree: nna Ne nda da hɔ pan, Odzii nam na ewo, Ɔwɔ nyimpadua a ɔyɛ honam na mbiew, nyimpa dze hɔn nsa kãa No, na abɔfo no kãa dɛ Ɔasoɛr (Mark 16:1–6; Luke 24:1–12, 36–43; John 20:1–18). Nda a Odzi Ekyir nyikyerɛ no si Christ No Wusoɛr nye adasamba nyina dze no pi (Alma 11:40–45; 40; 3 Ne. 11:1–17; N&A 76; Moses 7:62).

Nnyɛ nyimpa nyina na wɔbɔsoɛr akɔ enyimnyam kor no ara mu (1 Cor. 15:39–42; N&A 76:89–98), anaa nnyɛ hɔn nyina na wɔbɔsoɛr aber kor no ara mu (1 Cor. 15:22–23; Alma 40:8; N&A 76:64–65, 85; 88:96–102). Christ no Wusoɛr ekyir no Ahotseweefo pii soɛree (Matt. 27:52). Atseneneefo no bɔsoɛr ansaana emumuyɛfo no asoɛr na wɔbɛba wɔ Ewufomusoɛr a Odzi Kan no mu (1 Thes. 4:16); ndzebɔnyɛfo a woennu hɔnho no bɛba wɔ owusoɛr a odzi ekyir no mu (Nyi. 20:5–13; N&A 76:85).

Wobuebuee nda do, na efun pii soɛsoɛree, Matt. 27:52–53 (3 Ne. 23:9).
Ewuradze asoɛr, Luke 24:34.
Ɔsaman nnyi honam nye mbiew dɛ mbrɛ hom hu dɛ mowɔ yi, Luke 24:39.
Emi nye wunyan no nye nkwa no, John 11:25.
Asomafo Duebien no kyerɛkyerɛɛ dɛ Jesus asoɛr, Ndwuma 1:21–22 (Ndwuma 2:32; 3:15; 4:33).
Christ mu na wɔbɛma hom nyina enya nkwa, 1 Cor. 15:1–22.
Christ mu ewufo bedzi kan asoɛr, 1 Thes. 4:16.
Nhyira nye krɔnkrɔn nye onyia no a onya kyɛfa wɔ owusoɛr a odzi kan no mu, Nyi. 20:6.

Christ dze no nkwa too hɔ na ɔfaa no bio ama ɔdze ewufomusoɛr aaba, 2 Ne. 2:8 (Mosiah 13:35; 15:20; Alma 33:22; 40:3; Hel. 14:15).
Sɛ owusoɛr nnyi hɔ a nkyɛ yɛbɛhyɛ Abɔnsam ase, 2 Ne. 9:6–9.
Nyimpa nyina bɔsoɛr, 2 Ne. 9:22.
Abinadi kãa owusoɛr a odzi kan no ho asɛm, Mosiah 15:21–26.
Emumuyɛfo no bɛda ho atsena ase dɛ mbrɛ ɔgye biara nnyi hɔ, gyedɛ wosiansian owu ne nkyehoma no, Alma 11:41–45.
Alma kãa akra a wɔwɔ owu na owusoɛr ntamu gyinabew ho asɛm, Alma 40:6, 11–24.

Ewuradze ne mbae no, ewufo a wowuu Christ mu no bɔsoɛr, N&A 29:13 (N&A 45:45–46; 88:97–98; 133:56).
Hom nsu mma nkanka hɔn a wonnyi enyidado enyimnyam owusoɛr ho no, N&A 42:45.
Hɔn a wonnyim mbra no benya kyɛfa wɔ dɛm owusoɛr a odzi kan no mu, N&A 45:54.
Wɔbɔsoɛr efi owu mu na ekyir no wonnkowu, N&A 63:49.
Ewufomusoɛr no yɛ ɔkra no mponee, N&A 88:14–16.
Sunsum na abɔdze-dze no bɔ mu nya enyigye ne mãhyɛ, N&A 93:33.
Abɔfo a wɔyɛ nkorɔfo a wɔtsenaa ase na wowuwui no wɔ nyimpadua a ɔyɛ honam na mbiew, N&A 129:1.
Nyansa biara a yenya wɔ dɛm asetsena yi mu no nye hɛn bɔsoɛr wɔ owusoɛr no mu, N&A 130:18–19.