Abraham

Afe 1835 mu na Asɔr no ne nsa kãa tsetseberdo nkyerɛwee a Abraham kyerɛwee no. Antonio Lebolo kopuee dɛm nkyerɛwee nye fun binom a wɔahyɛ no akyenkyendur do wɔ Egypt hɔn abonda mu, na ɔdze yɛɛ owu ngyadze maa Michael Chandler. Chandler daa no edzi wɔ bagua mu wɔ America Nkabɔmu Man afe 1835 mu. Joseph Smith n’anyɛnkofo bi tɔe fii Chandler hɔ na wɔdze maa Nkɔnhyɛnyi no ma no so kyerɛɛ ase. Nkyerɛwee no mu nsɛm no bi wɔ Bota a Ɔsom Bo Mapã mu seseira.

Tsir 1 kã Abraham no ntɔhunii wɔ Ur a ɔwɔ Chaldeefo mu ho asɛm, hɔ na asɔfo emumuyɛfo peer dɛ wɔdze no bɔbɔ afɔr. Tsir 2 kã mbrɛ osii tuu kwan kɔr Canaan ho asɛm. Ewuradze yii noho kyerɛɛ no na ɔnye no dzii ahyɛmu. Tsir 3 kyerɛ dɛ Abraham hun wiadze nyina nye soronko a ɔda ɔsorsor abɔdze mu. Tsir 4–5 so kyerɛkyerɛ Abɔdze mu.

Nkorɔfo a wodzi mbra na ayɛdze a ɔwɔ Jesus Christ n’asɛmpa no ho do na hɔn nsa kã anohoba no nye ahyɛmu a Nyankopɔn nye Abraham dzii no. Mbarimba nye mbaa a wɔyɛ Abraham n’asefo akwantsen anaadɛ hɔn a wosuo asɛmpa no mu na wonuma hɔn dze paa hɔn abayɛ to n’ebusua mu no nsa botum akã nhyira yinom (Gal. 3:26–29; 4:1–7; N&A 84:33–34; 103:17; 132:30–32; Abr. 2:9–11). Sɛ Abraham n’asefo akwantsen annyɛ setsie a, wobotum ayew hɔn nhyira (Rom. 4:13; 9:6–8).