Luke
Nyia ɔkyerɛɛw Luke Asɛmpa no na Ndwuma nwoma no a ɔwɔ Ahyɛmu Fofor mu no na ɔyɛ Paul n’adamfo asɛmpasomafo. N’awofo yɛ Greekfo, nna ɔyɛ oduyɛfo (Col. 4:14). Luke nyim nwoma papaapa. Ɔdaa noho edzi dɛ ɔyɛ Ɔsomafo Paul n’adamfo ber a ɔkɛkãa Paul ho wɔ Troas no (Ndwu. 16:10–11). Nna Luke nye Paul wɔ Philippi so ber a wɔrokɔ Jerusalem no a ɔyɛ n’akwantu a odzi ewiei no (Ndwu. 20:6). Hɔn beenu nyinara na wodur Rome. Luke kã Paul ho so ber a wɔdze no kɔtoo efiadze otsĩa ebien wɔ Rome no (2 Tim. 4:11). Tsetsesɛm kyerɛ dɛ wokum no wɔ ne gyedzi ho ntsi.
Luke Asɛmpa no
Dza Luke kyerɛɛw wɔ Jesus Christ no Ne ɔnnkyebo asetsena mu ɔsomdwuma ho. Asomafo Ndwuma nwoma no yɛ Luke Asɛmpa no nsɔwdo. Luke gyaa nsɛm a ɔakyerɛw no yie a ɔfa Jesus No somdwuma ho, ɔdze too gua dɛ Jesus yɛ Jewfo na Amanamamfo nyina Agyenkwa. Ɔkyerɛɛw nsɛm pii a ɔfa Jesus Ne nkyerɛkyerɛ na Ne ndzeyɛe ho. Luke mu nko na yenya nsɛm a ɔkyerɛ dɛ Gabriel kɛseraa Zacharias na Mary no (Luke 1); Nguanhwɛfo no a wɔkɛseraa abɔdomaba Jesus no (Luke 2:8–18); Jesus kɔr temple ber a odzii mfe duebien no (Luke 2:41–52); ɔfrɛɛ eduosuon no na ɔsomaa hɔn (Luke 10:1–24); Jesus kyii bɔgya mfifir (Luke 22:44); Jesus nye ewi no dzii nkɔmbɔ wɔ mbeamudua no do (Luke 23:39–43); na Jesus dzii nam na ewo wɔ No Wusoɛr ekyir no (Luke 24:42–43).
Ama ehu Jesus N’abrabɔ mu nsɛm a wɔakã ho asɛm wɔ Luke Asɛmpa no mu no, hwɛ Nsɛmpa no ne Nsaae wɔ ntaekyir nwoma no mu.