Lamanfo

Nyimpakuw bi a wɔwɔ Mormon Nwoma mu no, hɔn mu dodowara yɛ Laman n’asefo, Lehi ne babanyin. Ɔyɛɛ hɔn dɛ Nephi na n’asefo yɛɛ hɔn bɔn (Mosiah 10:11–17). Dɛm ntsi, wɔtseew etua tsiaa Nephifo na mpɛn pii no wɔpoow asɛmpa ne nkyerɛkyerɛ no. Eso, aka kakraabi ma wɔawo Jesus Christ no, Lamanfo no gyee asɛmpa no too mu na wɔyɛɛ atseneneefo koraa kyɛɛn Nephifo no (Hel. 6:34–36). Mfe ahaebien a Christ kɛseraa America no ekyir no, Lamanfo nye Nephifo no bɛyɛɛ emumuyɛfo na wɔhyɛɛ ase kõe tsiaa hɔnho nkorkor. Christ N’Awoo ekyir, bɛyɛ mfe 400 no Lamanfo no sɛɛ Nephifo hɔn man no korakora.