Ahyɛmu Fofor

Jesus Christ ne bra na no somdwuma, Asomafo no na Jesus Christ n’akãdofo binom ho nsɛm a ɔma nkenyan a wɔakã aboaboa ano akyerɛw. Wɔakyekyɛ Ahyɛmu Fofor no mu akɔ Nsɛmpa no, Asomafo Ndwuma no, Nwoma a Paul kyerɛwee, nwoma binom a wɔakyerɛw, na nyikyerɛ nwoma no.

Nsɛmpa anan no—Matthew, Mark, Luke, na John nwoma no—fa Christ ne bra mu nsɛm ho. Asomafo Ndwuma no yɛ abakɔsɛm a ɔfa Asɔr no na Asomafo no, nkanka Paul n’asɛmpakã wɔ Christ no wu ekyir ho. Paul no nwoma no dze nkyerɛkyerɛ ma Asɔr banodzifo na asɔrmba. Asomafo binom so kyerɛɛw nwoma nkaa no, na ɔdze afotu bi so ma Ahotseweefo edzikanfo no. Dza ɔwɔ Nyikyerɛ no a Ɔsomafo John kyerɛwee no mu no ne kɛse yɛ nkɔnhyɛsɛm a ɔfa nda a odzi ekyir no ho.