Reuben
Ahyɛmu Dadaw no mu no, Jacob na Leah hɔn ba panyin (Gen. 29:32; 37:21–22, 29; 42:22, 37). Ɔwɔ mu dɛ nna Reuben yɛ abakan naaso osian bɔn ntsi ɔyeew n’awoo mu panyin (Gen. 35:22; 49:3–4).
Reuben n’ebusuakuw
Yebohu Jacob ne nhyira a ɔdze hyiraa Reuben no wɔ Genesis 49:3 na Deuteronomy 33:6. Nkakrankakra ebusuakuw no no dodow do tsewee, na kaansa ebusuakuw kɔr do tsenaa hɔ mpo a, amansɛm mu no noho ennhia pii. Reuben n’awoo mu panyin no kɔr Joseph na ne mba hɔ osiandɛ Joseph yɛ Jacob ne yer a otsĩa ebien, Rachel ne babanyin (1 Mber. 5:1–2).