Levi

Jacob hyiraa Levi n’asefo (Gen. 49:5–7, 28). Levi n’asefo no soom wɔ Israel ntamadan mu (Nka. 1:47–54). Aaron yɛ Levinyi, na n’asefo yɛ asɔfo (Ex. 6:16–20; 28:1–4; 29). Levifo no boaa asɔfo no, Aaron ne mbabanyin (Nka. 3:5–10; 1 Ahem. 8:4). Odu mber bi a wɔyɛ adwontofo (1 Mber. 15:16; Neh. 11:22); wokum afɔrbɔ mbowa (2 Mber. 29:34; Ezra 6:20). Wɔboa ma wɔyɛ temple mu edwuma (Neh. 11:16). Levifo no etu hɔnho esi hɔ dze ama Ewuradze n’edwuma dɛ wɔbɛyɛ ayɛdze ama Israelmba. Wɔdze Levifo no abɔ afɔr ama Ewuradze dze egyina Israelmba no ananmu (Nka. 8:11–22); dɛm na ɔmaa wɔbɛyɛɛ Nyankopɔn N’egyapadze soronko no, wɔdze maa No dze sii abakamba ananmu (Nka. 8:16). Woenntu hɔn ennsi hɔ amma Ewuradze, na mbom wɔtseew hɔnho maa hɔn dzibew no (Nka. 8:7–16). Wonnyi egyapadze asaase wɔ Canaan asaase do (Nka. 18:23–24), mbom wɔdze ebupɛn du no maa hɔn (Nka. 18:21), Nkuropɔn eduanan awɔtwe (Nka. 35:6), na ɔyɛ ndzinoa dɛ wonya akyɛdze fi nkorɔfo no hɔ aber biara a woridzi afe (Deut. 12:18–19; 14:27–29).