Assyria

Tsetse ahenman bi a ɔnye no kora Babylon hwɛɛ nkurow adadaw a ɔwɔ Syria na Palestine no mu pii do wɔ Ahyɛmu Dadaw mber ne kɛsenara mu. Ɔwɔ mu dɛ Assyriafo na wonyaa tum kɛse wɔ mfe ɔha 12 ne finimfin Ansaana Wɔrowo Christ dze bɛpem mfe ɔha 7 Ansaana Wɔrowo Christ dze, naaso woenntum annkyekyer amambu a otsim biara. Wɔdze etsiɔdzen hwɛɛ hɔn atamfo do, wɔdze ogya hyeew hɔn na wɔdze nkrantsee kunkum hɔn anaa wotwaa hɔn mu pii esu dze hɔn kɔr hɔn ahenman binom do dze brɛɛ hɔn ase. Nkorɔfo a wɔdze hɔn bɛhyɛɛ Assyria ase no nye ahenman no dzii akõ aber nyina. (Hwɛ 2 Ahem. 18–19; 2 Mber. 32; Isa. 7:17–20; 10; 19; 37.)