Ɔsɛnkafo (Ahyɛmu Dadaw)

Nwoma bi a ɔwɔ Ahyɛmu Dadaw mu a ɔkã ɔbra mu nsɛnhia a no mu dɔ yie.

Nyia a ɔkyerɛɛw nwoma no, yɛ Asɛmpakafo, na nsɛm a ɔkyerɛwee wɔ nwoma no mu no, no dodowara fa hɔn a wonnyi asɛmpa no no ho ntsease no. Ɔkyerɛw no dɛ mbrɛ nkorɔfo a wɔwɔ wiadze mu hɔn ntseasee tse—ɔyɛ hɔn a wɔtse “wi ase no” (Ɔsɛn. 1:9). Nwoma no mu nsɛm dodowara ɔyɛ dɛ ma ɔbɔ ebira, na ɔfa ndzɛmba biara dɛ mbrɛ ɔbɛyɛ ara na ɔbɛyɛ. (Ɔsɛn. 9:5, 10). Nnyɛ dɛm na Ewuradze rohwehwɛ ma yɛafa no dɛ mbrɛ ɔbra tse ara nye no na mbom mbrɛ Ɔsɛnkafo no ehu wɔ nyimpa a wonnyi nyimdzee wɔ asaase yi do no ho. Sunsum mu dza ohia papaapa wɔ nwoma no mu no wɔ etsir 11 na 12, hɔ na ɔkyerɛwfo no dze wie dɛ adze kor ara a no ho wɔ mfaso na ɔkye bo no nye dɛ yɛbɛyɛ setsie ama Nyame ne mbrasɛm.