Enoch

Nkɔnhyɛnyi bi a odzii Zion kuropɔn mu nkorɔfo enyim. Wɔakã no somdwuma ho asɛm wɔ Ahyɛmu Dadaw na Bota a Ɔsom Bo Mapa mu. Ɔno nye Adam n’ekyir Patriarch a otsĩa esuon. Ɔyɛ Jared ne babanyin na Methuselah n’egya (Gen. 5:18–24; Luke 3:37).

Enoch yɛ okunyin na no somdwuma no dɔɔ sõ kyɛn dza wɔakyerɛw ho nsɛm tsiabaa wɔ Bible mu no. Bible kã dɛ wɔsakyeer no a ɔannsɔw owu (Heb. 11:5) na mbom wɔannkã biribiara a ɔfa no somdwuma ho. Jude 1:14 kã nkɔm bi a ɔhyɛe. Nda a odzi ekyir nyikyerɛ kã Enoch no ho nsɛm pii, nkanka ɔfa ne nsɛmpakã ho, no kuropɔn no a wɔfrɛ no Zion, ne enyido-adzehu, nye ne nkɔnhyɛ (N&A 107:48–57; Moses 6–7). Wɔfaa Zion kɔr sor osian nkorɔfo a nna wɔtse mu no hɔn tseneneeyɛ ntsi (Moses 7:69).