Adam yɛ adasamba a wɔwɔ asaase do nyinara hɔn egya na patriarch. Ne mbrato wɔ Eden Ture no mu (Gen. 3; N&A 29:40–42; Moses 4) maa “ɔhwee ase” bɛyɛɛ nyimpa a ɔnnkye bo, dza ɔyɛ anamɔn kor a ohia ma ɔdasanyi dɛ otu ma onya mpontu wɔ asaase yi do (2 Ne. 2:14–29; Alma 12:21–26). Dɛm ntsi ɔwɔ dɛ yɛdze enyidzi ma Adam na Eve wɔ dza wɔyɛe a ɔnam do ma yetum nya hɛn onnyiewiei kankɔ. Adam nye Onyia a ne Nda fir Tsetse no na ɔnoara so nye Michael (Dan. 7; N&A 27:11; 107:53–54; 116; 138:38). Ɔno nye ɔbɔfopanyin no (N&A 107:54) na ɔbɛsan aba asaase do bio dɛ adasa ebusua mu patriarch (N&A 116).