Ruth
Ahyɛmu Dadaw mu no, Noami na Elimelech a ɔyɛ Israelfo no hɔn asew-babaa Moabnyi no, no kun wui no, Ruth waar Noami no busuanyi Boaz. Hɔn babanyin Obed yɛ David na Christ hɔn nanabanyin. Ruth noho abakɔsɛm kyerɛ mbrɛ hɔn a wɔnnyɛ Israelfo sakyeree baa Israel nguambuw mu ahomka mu ara. Ruth gyaa ne nyame dadaw na abrabɔ dadaw mu bɛkãa gyedzi fifo ho ma wɔsoom Israel Nyankopɔn (Ruth 1:16).
Ruth nwoma no
Tsir 1 kã Elimelech n’abrabɔ nye n’ebusua wɔ Moab ho nsɛm. Hɔn kunnom wuwui ekyir no, Noami na Ruth kɔr Bethlehem. Tsir 2 no kyerɛ mu dɛ Ruth kedzii mpɛpɛw wɔ Boaz ne haban mu. Tsir 3 kã mbrɛ Noami sii kãa kyerɛɛ Ruth dɛ ɔnkɔ ewuporowee hɔ na ɔnkɛda Boaz n’anaafo hɔ. Tsir 4 fa mbrɛ Ruth sii waar Boaz ho. Wonyaa babanyin Obed, nyia n’ebusuasantsen mu na David na Christ fi bae.