Bible

Hebrewfo na Christianfo nkyerɛwee a wɔakã aboa ano akyerɛw a nyikyerɛ krɔnkrɔn wɔ mu. Bible n’asekyerɛ nye “nwoma” no. Bible yɛ nkɔnhyɛfo pii hɔn ndwuma nye akyerɛwfo a Sunsum Krɔnkrɔn kenyaan hɔn no (2 Pet. 1:21).

Christianfo Bible no wɔakyɛ mu ebien, a wɔtaa frɛ no Ahyɛmu Dadaw na Fofor. Nwoma a ɔwɔ Ahyɛmu Dadaw no mu no yɛ kyerɛwsɛm nwoma bi a Jewfo a nna wɔwɔ Palestine no kenkanee wɔ ber a nna Ewuradze wɔ wiadze reyɛ no somdwuma wɔ ɔnnkyebo asetsena mu. Ahyɛmu Fofor no yɛ Asomafo no aber do nkyerɛwee a no ho tsew na tum wɔ mu tse dɛ Jewfo kyerɛwsɛm so ara. Nwoma a ɔwɔ Ahyɛmu Dadaw mu no mu nsɛm no yɛ nsɛm a esi mber pii a ɔabɛsen kɔ, na wɔdze Hebrew kasa tsitsir kyerɛɛw ne nyina, wɔ ber a nwoma a ɔwɔ Ahyɛmu Fofor no mu nsɛm no yɛ ebusuasantsen kor pɛr no mu dwumadzi a wɔkyerɛɛw no tsitsir ara wɔ Greek kasa nko mu.

Ahyɛmu Dadaw no mu no, kasa ahyɛmu no gyina hɔ wɔ Hebrew kasa mu “ahyɛmudzi”. Ahyɛmu Dadaw no yɛ mbra a wɔdze maa Moses wɔ ber a Israel poow asɛmpa ne mãhyɛ a nna Nyankopɔn no nkorɔfo no wɔ fitsi ber a wɔbɔɔ nyimpa no. Ahyɛmudzi Fofor no nye asɛmpa no dɛ ma Jesus Christ kyerɛkyerɛe no.

Hebrewfo Bible (Ahyɛmu Dadaw) no mu nwoma no wɔakyekyɛ mu ekuw ebaasa: Mbra no, Nkɔnhyɛfo no, na Nkyerɛwee no. Bible a Christianfo kenkan no nwoma a ɔwɔ mu no wɔakyekyɛ mu ebiasa dɛ mbrɛ nsɛm a ɔwɔ mu no tse, abakɔsɛm, awensɛm na nkɔnhyɛsɛm.

Mbrɛ woesi ahyehyɛ nwoma a ɔwɔ Ahyɛmu Fofor mu no nye yi: Asɛmpa anan no na Ndwuma; nwoma a Paul kyerɛwee no; James, Peter, John, na Jude nwoma no; na John Nyikyerɛ no.

Jesus Christ N’Asɔr a ɔwɔ hɔ ma Nda a Odzi Ekyir Ahotseweefo no dze obu na enyidzi kɛse ma Bible no na wɔgye to mu so dɛ Ewuradze da ho dze nyikyerɛ binom so dua No nkɔnhyɛfo a wɔwɔ hɔ wɔ nda a odzi ewiei yi mu no do ma dze taa Bible mu nsɛm a ɔfa mbrɛ Nyankopɔn sii nye nyimpa dzii nkitaho no ekyir na ɔma no nokwar no da edzi.