Mpamu Nyii

Adasa hɔn emudzi ansaana wɔrebɛba asaase do na ɔnam do ma Nyankopɔn saan mu yii hɔn a wɔbɛyɛ Abraham n’asefo na Israel fifo na wɔabɛyɛ ahyɛmu nkorɔfo (Deut. 32:7–9; Abr. 2:9–11). Dɛm nkorɔfo yi wɔama hɔn nhyira na dwumadzi soronko ama woeetum ehyira wiadze aman nyina (Rom. 11:5–7; 1 Pet. 1:2; Alma 13:1–5; N&A 84:99). Naaso, hɔn a wɔasan mu eyi hɔn yi mpo otwar dɛ wɔfrɛ hɔn na wɔpa mu yi hɔn wɔ nkwaber yi mu ama woeenya nkwagye.