Moses

Ahyɛmu Dadaw no mu nkɔnhyɛnyi a ɔgyee Israelmba fii nkowaasom mu wɔ Egypt na ɔmaa hɔn nyamesom, asetsena na edziban ho mbra horow, dɛ mbrɛ Nyankopɔn daa no edzi no.

Moses no somdwuma traa nankasa ne ɔnnkyebo asetsena n’ano. Joseph Smith kyerɛkyerɛɛ dɛ ɔnye Elijah baa Nsakyeree Bepɔw no do na ɔdze asɔfodzi nsaafee no maa Peter, James na John (Matt. 17:3–4; Mark 9:4–9; Luke 9:30; N&A 63:21).

Moses yii noho kyerɛɛ Joseph Smith na Oliver Cowdery wɔ Ebɔbira 3, 1836 wɔ temple a ɔwɔ Kirtland, Ohio no mu, na ɔdze Israelmba a wɔbɛkã hɔn aboa ano no ne nsaafee maa hɔn (N&A 110:11).

Nda a odzi ekyir nyikyerɛ no kã Moses ho nsɛm pii. Wɔbɔ ne dzin mpɛn pii wɔ Mormon Nwoma no mu, na yɛkenkan no somdwuma no ho asɛm wɔ Nkyerɛkyerɛ na Ahyɛmudzi no mu (N&A 84:20–26) na dɛ ne nsa kãa asɔfodzi no fii n’asew Jethro hɔ (N&A 84:6).

Nda a odzi ekyir nyikyerɛ no so si Bible mu nsɛm a ɔfa no somdwuma wɔ Israelmba mu no pi na ɔsan si no pi dɛ ɔno na ɔkyerɛɛw nwoma enum a odzi Ahyɛmu Dadaw no ne kan no (1 Ne. 5:11; Moses 1:40–41).

Moses Nwoma no

Nwoma a ɔwɔ Bota a Ɔsom Bo Mapa no mu a Genesis etsir esuon a odzi kan a sunsum no kenyaan Joseph Smith ma ɔkyerɛɛ ase no wɔ mu.

Tsir 1 yɛ enyido-adzehu a Moses nam mu hun Nyankopɔn a ɔdaa nkwagye ho nhyehyɛɛ nyina edzi kyerɛɛ no no. Etsir 2–5 yɛ nsɛm bi a ɔfa Abɔdze nye nyimpa Asehwe ho. Etsir 6–7 yɛ enyido-adzehu a ɔfa Enoch na no somdwuma wɔ asaase do no ho. Tsir 8 no yɛ enyido-adzehu a ɔfa Noah na Nsuyirii kɛse no ho.

Moses no nwoma enum no

Ahyɛmu Dadaw no mu nwoma enum a odzi kan no wɔfrɛ no Moses Nwoma. Ayewa mprɛtse no a Nephi faae fii Laban hɔ no, Moses nwoma no wɔ mu (1 Ne. 5:11).