Manna

Edziban korkorbaa, kakrabaa bi a ne dɛw tse dɛ ewo borɔtow haharba (Ex. 16:14–31) anaa ɔtse dɛ anguamon ne dɛw (Nka. 11:7–8). Ewuradze dze iyi mae dze anyɛn Israelmba ber a wɔwɔ sar no do mfe eduanan no (Ex. 16:4–5, 14–30, 35; Josh. 5:12; 1 Ne. 17:28).

Israelmba no frɛɛ no manna (anaa man-hu wɔ Hebrew kasa mu)—a n’ase kyerɛ dɛ “Ebɛnadze nye iyi?”—osiandɛ nna wonnyim n’adzeban (Ex. 16:15). Wɔfrɛɛ no “abɔfo edziban” so na “ɔsor paanoo” (Ndw. 78:24–25; John 6:31). Ɔyɛɛ ngyinahɔmadze maa Christ, ɔno a ɔbɛba abɛyɛ Nkwa Paanoo no (John 6:31–35).