1 Li na’leb’ chan ru naq eb’ li xb’eenil ut laj tij sa’ xyanqeb’ ke’xk’anjela lix tib’el ut xkik’el li Kristo re li iglees; ut ke’xk’anjela jo’ chanru lix taqlahom li Kristo; jo’kan naq naqanaw naq tz’aqal yaal li b’aanunb’il wi’, ut li xb’eenil malaj laj tij kik’anjelank re—

2 Ut ke’wiq’la rochb’een li iglees, ut ke’tijok chiru li Yuwa’b’ej sa’ lix k’ab’a’ li Kristo, ut ke’xye:

3 At Dios, li Junelik Yuwa’b’ej, naqatz’aama chawu sa’ lix k’ab’a’ laa Walal, li Jesukristo, naq chawosob’tesi ut chasantob’resi li kaxlan wa a’in, choq’ re li raameb’ chixjunil li te’k’uluq re; re naq te’wa’aq re xjultikankil lix tib’el laa Walal, ut te’xk’ut xyaalal chawu, at Dios, li Junelik Yuwa’b’ej, naq wankeb’ xch’ool chixk’ulb’al sa’ xb’eeneb’ lix k’ab’a’ laa Walal, ut junelik chixjultikankil a’an, ut chixpaab’ankil lix taqlahom li kixk’e chaq reheb’, re taaruuq taawanq junelik lix Musiq’ rik’ineb’. Amen.