Xb’eenil

Li aatin xb’eenil jalan jalanq paay roksinkil sa’ li Santil Hu. Sa’ li Najter Chaq’rab’, k’iila sut naraj naxye li tiixil winq sa’ li jun teepal, a’aneb’ li k’eeb’il sa’ ruq’eb’ xjolomil li tenamit (Gen. 50:7; Jos. 20:4; Rut 4:2; Mat. 15:2). Xb’aan xchihab’eb’ ut xnimal li rilomeb’ ki’ajman ru li na’leb’ ke’xk’e. Li opiis ke’wan wi’ maawa’ jun b’oqok sa’ li tijonelil.

Ke’wan ajwi’ ani k’ojob’anb’ileb’ choq’ xb’eenil sa’ li Tijonelil re Melkisedek sa’ xkutankil li Najter Chaq’rab’ (Exo. 24:9–11). Sa’ li Ak’ Chaq’rab’, nayeeman resileb’ li xb’eenil jo’ jun opiis sa’ li tijonelil re li Iglees (Stgo. 5:14–15). Sa’ xyanqeb’ laj Nefita wankeb’ ajwi’ li ke’k’ojob’aman choq’ xb’eenil sa’ li tijonelil (Alma 4:7, 16; Moro. 3:1). Sa’ li jun k’ojlajik a’in, laj Jose Smith ut laj Oliver Cowdery a’aneb’ li xb’een li ke’k’ojob’aak choq’ xb’eenil (Tz. ut S. 20:2–3).

Sa’ li kutan a’in, nak’eeman li k’ab’a’ej xb’eenil, malaj elder, re chixjunileb’ li neke’k’amok re li Tijonelil re Melkisedek. Qayehaq, eb’ laj k’amol aatin li winqeb’ Elder nayeeman reheb’. Jo’kan ajwi’, jun Apostol a’an jun xb’eenil, malaj Elder, ut naru na’oksiman li k’ab’a’ej a’in re aatinak chirixeb’ li komon sa’ lix Molameb’ li Kab’laju malaj eb’ li Molam reheb’ li Setenta (Tz. ut S. 20:38; 1 Pe. 5:1). Li k’a’ru teneb’anb’il sa’ xb’eeneb’ li ani k’ojob’anb’ileb’ choq’ xb’eenil sa’ li jun k’ojlajik a’in, wan chi k’eeb’il sa’eb’ li na’leb’ k’utb’esinb’il sa’ roso’jikeb’ li kutan (Tz. ut S. 20:38–45; 42:44; 46:2; 107:12).