Enok

Jun profeet li kijolomink reheb’ li ani ke’wan sa’ li tenamit Sion. Yeeb’il resil lix k’anjel sa’ li Najter Chaq’rab’ jo’ ajwi’ sa’ li Q’ol Nim Xtz’aq. A’an xwuq li najteril yuwa’b’ej chirix laj Adan. A’an ralal laj Jared ut xyuwa’ laj Matusalen (Gen. 5:18–24; Luk. 3:37).

Laj Enok a’an xnimal ru winq, ut q’axal nim wi’chik xk’anjel chiru xb’ab’ayil li esil yeeb’il chirix sa’ li Santil Hu. Sa’ li Santil Hu naxye naq kijaltesiik ru (Heb. 11:5) a’ut maak’a’ naxye chirix lix k’anjel. Sa’ Jud. 1:14 naxye resil jun li profeetil aatin li kixye. K’a’jo’ wi’chik li ch’olob’anb’il chirix laj Enok sa’ li k’a’ru k’utb’esinb’il sa’ roso’jikeb’ li kutan, wan wi’ li aatin jultikanb’il xb’aan, lix tenamit Sion yeeb’il re, li k’utb’esinb’il matk’ kixk’ul, ut lix profeetil aatin (Tz. ut S. 107:48–57; Mois. 6–7). Sion kik’ame’ sa’ choxa xb’aan lix tiikilaleb’ li ani wankeb’ chi sa’ (Mois. 7:69).