Levitico

Jun li hu sa’ li Najter Chaq’rab’ li naxye resil lix k’anjeleb’ laj tij sa’ Israel. Naxch’olob’ lix santilal li Dios, ut li chaq’rab’ neke’ru wi’ lix tenamit chixpaab’ankil re te’santob’resiiq. Li rajb’al li hu, a’an xk’utb’al li na’leb’ chirix li chaab’ilal ut chirix li paab’aal li wan sa’ lix chaq’rab’ laj Moises, rik’ineb’ li k’ojob’anb’il k’anjel. Laj Moises kitz’iib’ank re li hu Levitico.

Sa’eb’ li ch’ol 1–7 yeeb’il resil li jar k’ojob’anb’il k’anjel re li mayejak. Sa’eb’ li ch’ol 8–10 naxye k’a’ru li k’anjel taa’oksimanq sa’ rosob’tesinkileb’ laj tij. Li ch’ol 11 naxye k’a’ru naru natzekaman ut k’a’ru ink’a’ taatzekamanq, ut k’a’ru tz’aj ru ut moko tz’aj ta ru. Li ch’ol 12 naxye resileb’ li ixq chirix li alank. Sa’eb’ li ch’ol 13–15 wankeb’ li chaq’rab’ chirix li k’a’ru yeeb’il naq tz’aj. Sa’ li ch’ol 16 wan li k’anjel taa’oksimanq sa’ xkutankil li xtojb’al rix li maak. Sa’eb’ li ch’ol 17–26 wan jun tasal li chaq’rab’ chirix li k’anjel re paab’aal ut re li wank sa’ komonil. Sa’ li ch’ol 27 ch’olob’anb’il naq li Qaawa’ kixtaqlaheb’ laj Israel chixq’axtesinkil lix q’olomeb’, lix ketomqeb’ ut lix teepeb’ chi xul re li Qaawa’.