Santiago, riitz’in li Qaawa’

Jun li hu sa’ li Ak’ Chaq’rab’. A’an chaq jun li hu tz’iib’anb’il rik’ineb’ li kab’laju xteepal laj Israel li jek’inb’ileb’ chaq chi najt, ut nak’oxlaman naq kitz’iib’aman chaq Jerusalen. Sa’ li hu wan junjunq li na’leb’ yeeb’il chi ch’olch’o ru chirix li paab’aal, jo’ li xnimal ru na’leb’ sa’ li xb’een ch’ol naq wi ani junaq moko tz’aqal ta xna’leb’, tento tixpatz’ xtenq’ankil chiru li Dios (Stgo. 1:5–6; JS—R 1:9–20). Li ch’ol 2 na’aatinak chirix li paab’aal ut li k’anjel. Li ch’ol 3–4 na’aatinak chirix naq na’ajman ru xramb’al li ru’uj aq’ej, ut naxtijeb’ laj santil paab’anel naq ink’a’ te’xmaa’usila rib’ chirib’ileb’ rib’. Li ch’ol 5 naxwaklesiheb’ xch’ool laj santil paab’anel re te’wanq xkuyum ut te’xb’oqeb’ li xb’eenil re te’osob’tesiiq naq yajeb’; na’aatinak ajwi’ chirix li osob’tesiik na’uxman rik’in tenq’ank chixjalb’aleb’ xch’ool li qas qiitz’in.