Nefi, ralal laj Lehi

Sa’ lix Hu laj Mormon, jun ralal laj Lehi ut li xSariah li tiik xch’ool (1 Ne. 1:1–4; 2:5). Laj Nefi kiwan xnimal xpaab’aal chirix li raatin li Dios (1 Ne. 3:7) ut ki’ok choq’ nimla profeet, aj tz’iib’anel esil, ut aj jolominel re lix tenamit.

Ki’ab’in chiru li chaq’rab’ ut kitijok rik’in paab’aal, 1 Ne. 2:16.
Kisutq’i Jerusalen re xk’amb’aleb’ li perel ch’iich’ bronce, 1 Ne. 3–4.
Kisutq’i Jerusalen re xk’amb’al lix junkab’al laj Ismael sa’ li yamyookil ch’och’, 1 Ne. 7.
Kixk’ul li k’utb’esinb’il matk’ li kixk’ul ajwi’ laj Lehi, 1 Ne. 10:17–22; 11.
Kiril sa’ matk’ li te’xk’ul lix tenamit ut naq taak’ojob’amanq wi’chik li evangelio, 1 Ne. 12–13.
Kixk’ut xyaalal li k’utb’esinb’il matk’ chirix li che’ re li yu’am, 1 Ne. 15:21–36.
Kitoqe’ li roq lix tzimaj, a’b’an rik’in paab’aal kiru chixtawb’al li tzakemq, 1 Ne. 16:18–32.
Kixyiib’ jun jukub’ ut kib’eek toj sa’ li yeechi’inb’il ch’och’, 1 Ne. 17–18.
Eb’ laj Nefita ut laj Lamanita ke’xjach rib’eb’, 2 Ne. 5.
Lix ch’olob’ahom sa’ roso’jik lix yu’am, 2 Ne. 33.

Li xb’een xhu laj Nefi

Eb’ li ch’ol 1 toj 18:8 neke’aatinak chirix li profeet aj Lehi ut naq ke’el chaq lix Junkab’al Jerusalen. Neke’b’eek chiru li chaqi ch’och’ toj reetal neke’wulak chire li palaw. 1 Nefi 18:9–23 naxye resil lix xikikeb’ toj sa’ jun yeechi’inb’il ch’och’, chi b’eresinb’il xb’aan li Qaawa’, us ta ke’xpo’resi xch’ool laj Laman ut laj Lemuel. Sa’eb’ li ch’ol 19–22 naxye resil k’a’ut naq laj Nefi naxtz’iib’a li esil (1 Ne. 6; 19:18)—re xq’unb’esinkileb’ xch’ool chixjunil re taajultiko’q reheb’ li Qaawa’ laj Tojol rixeb’. Kixye li raatin laj Isaias (1 Ne. 20–21) ut kixk’ut xyaalal lix na’leb’ laj Isaias, re naq chixjunil te’k’ame’q chixnawb’al ru li Jesukristo jo’ aj Kolol reheb’ ut aj Tojol rixeb’ (1 Ne. 22:12).

Li xkab’ xhu laj Nefi

Sa’eb’ li ch’ol 1–4 wan junjunq lix ch’olob’ahom ut lix profeetil aatin laj Lehi rub’elaj lix kamik, jo’ li osob’tesink kixk’e sa’ xb’eeneb’ li ralal ut eb’ li ralal xk’ajoleb’. Sa’ li ch’ol 5 naxye k’a’ut naq eb’ laj Nefita ke’xjach rib’ rik’ineb’ laj Lamanita. Eb’ laj Nefita ke’xyiib’ jun li santil ochoch, ke’xk’ut lix chaq’rab’ laj Moises, ut ke’xtz’iib’a li tz’iib’anb’il esil. Sa’eb’ li ch’ol 6–10 wan li raatin laj Jakob, riitz’in laj Nefi. Laj Jakob kixye resilal li tenamit Juda ut kixye profeetil aatin chirix li Mesias, ut wan li aatin kirisi chaq sa’ lix tz’iib’ahom li profeet aj Isaias. Sa’eb’ li ch’ol 11–33 laj Nefi kixtz’iib’a resil lix nawom chirix li Kristo, lix nawom laj Jakob, li profeetil aatin chirix li roso’jikeb’ li kutan, ut junjunq ch’ol sa’ lix hu laj Isaias sa’ li Najter Chaq’rab’.