Tzoleb’aal reheb’ li Profeet

Sa’ Kirtland, Ohio (Estados Unidos de America) chiru li hab’alq’e sa’ 1832–1833, li Qaawa’ kixtaqla laj Jose Smith chixk’uub’ankil jun tzoleb’aal choq’ re xtzolb’aleb’ li komon winq sa’ chixjunil li k’a’aq re ru chirix li evangelio ut lix awa’b’ejihom li Dios. Sa’ li tzoleb’aal a’in ke’chal chaq naab’al reheb’ laj jolominel sa’ xtiklajik li Iglees. Jun chik tzoleb’aal choq’ reheb’ li profeet malaj choq’ reheb’ li xb’eenil kik’uub’aman xb’aan laj Parley P. Pratt sa’ li Condado Jackson, Missouri (Tz. ut S. 97:1–6). Wankeb’ chik xkomon li tzoleb’aal a’in ka’ch’in chik chirix naq ke’q’axon laj santil paab’anel toj sa’ rokeb’aal li saq’e, a’ut chirix a’an kiraqe’ xb’aanunkil. Anajwan na’ux li tzolok chirix li evangelio sa’ li ochoch, sa’eb’ li molam re li tijonelil, ut sa’eb’ li jar k’anjenel ch’uut re li Iglees, ut sa’eb’ li ninqi tzoleb’aal re li Iglees ut sa’eb’ li tzoleb’aal re Seminario ut re Instituto.