Kamk re musiq’ej

Naq najache’ ru junaq rik’in li Dios ut lix wankil; li kamk jo’ chanru li k’a’aq re ru re tiikilal. Laj Lucifer ut li rox jachal lix teepal li choxa ke’xk’ul li kamk sa’ musiq’ejil naq ke’isiik chaq sa’ choxa (Tz. ut S. 29:36–37).

Li musiq’ejil kamk ki’ok sa’ li ruchich’och’ rik’in lix t’anik laj Adan (Mois. 6:48). Eb’ li ani sa’ li ruchich’och’ ink’a’ us lix na’leb’eb’, li raatineb’, ut lix k’anjeleb’, wankeb’ chi kamenaq sa’ musiq’ejil naq toj yo’yookeb’ sa’ li ruchich’och’ (1 Tim. 5:6). Rik’in lix tojb’al rix li maak xb’aan li Jesukristo ut rik’in ab’ink chiru li jar raqal chi na’leb’ ut k’ojob’anb’il k’anjel re li evangelio, eb’ li winq ut ixq neke’ru chi ch’aje’k chirix li maak ut chi numtaak sa’ xb’een li musiq’ejil kamk.

Li kamk re li musiq’ej nak’ulman ajwi’ chirix lix kamik li tz’ejwalej re ruchich’och’. Eb’ li waklijenaqeb’ chi yo’yo jo’ ajwi’ laj tza ut eb’ lix anjel te’raqe’q aatin chirix. Eb’ li ke’xpo’resi xch’ool chi na’no chirix li saqen ut li yaal re li evangelio te’xnumsi li musiq’ejil kamk. Li kamk a’in, xkab’ kamk nayeeman re chi kok’ aj xsa’ (Alma 12:16; Hel. 14:16–19; Tz. ut S. 76:36–38).