Evangelio (li kaahib’ chi)

Li kaahib’ chi tz’iib’anb’il esil malaj ch’olob’ahom chirix lix yu’am li Jesus sa’ li ruchich’och’, ut li k’a’ru ki’ux sa’ lix k’anjel, wan sa’ li kaahib’ chi hu sa’ xtiklajik li Ak’ Chaq’rab’. Tz’iib’anb’ileb’ xb’aan laj Mateo, laj Markos, laj Lukas, ut laj Jwan, ut a’aneb’ li esil ch’olob’anb’il chirix lix yu’am li Kristo, chi tz’iib’anb’il. Li hu 3 Nefi sa’ lix Hu laj Mormon naab’al li juntaq’eet wi’ rik’in li kaahib’ chi evangelio sa’ li Ak’ Chaq’rab’.

Eb’ li hu sa’ li Ak’ Chaq’rab’ ke’tz’iib’aman xb’een wa sa’ Griego. Li aatin evangelio sa’ Griego naraj naxye “chaab’il esilal.” Li chaab’il esilal a’an naq li Jesukristo kixtoj rix li maak, li tojb’ilaqeb’ wi’ rix chixjunileb’ li winq chiru li kamk, ut li taaq’ajkamumanq wi’ li junjunq jo’ chanru lix k’anjel (Jwan 3:16; Rom. 5:10–11; 2 Ne. 9:26; Alma 34:9; Tz. ut S. 76:69).

Chi’ilmanq ajwi’ lix Junajileb’ li Kaahib’ chi Evangelio sa’ li apendice.