Lucifer

Li k’ab’a’ej naraj naxye “ani nalemtz’un” malaj “aj k’amol saqen.” A’an ajwi’ li Alalb’ej re li Saqew yeeb’il re. Laj Lucifer a’an ralal li qaChoxahil Yuwa’ sa’ li musiq’ej, ut kixjolomi li po’resink ch’oolej sa’ li yu’am naq maji’ nokoyo’la. Li k’ab’a’ej Lucifer natawman yal jun sut ajwi’ sa’ li Santil Hu (Isa. 14:12). Rik’in li na’leb’ k’utb’esinb’il sa’ roso’jikeb’ li kutan, wan chik li nanawman chirix lix t’anik laj Lucifer (Tz. ut S. 76:25–29).