Mosiah, ralal laj Benjamin

Jun li hu sa’ lix Hu laj Mormon. Sa’eb’ li ch’ol 1–6 wan li raatin li Rey aj Benjamin re lix tenamit. Lix Musiq’ li Qaawa’ kixtoch’eb’ li raam ut eb’ li tenamit ke’jale’ xch’ool ut maak’a’ chik rajomeb’ xb’aanunkil li ink’a’ us. Sa’eb’ li ch’ol 7–8 naxye resil jun ch’uuteb’ laj Nefita li xkoheb’ chaq chi wank sa’ xch’och’eb’ laj Lamanita. Kitaqlaman jun teep chi aj sik’onel re xtawb’aleb’. Laj Ammon, li najolomin reheb’ laj sik’onel, kixtaweb’ ut kirab’i resil li ch’a’ajkilal wankeb’ wi’ rub’el xwankileb’ laj Lamanita. Sa’eb’ li ch’ol 9–24 naxye resil li ch’a’ajkilal a’an ut chan ru naq eb’ lix jolominel—laj Tzeniff, laj Noe, ut laj Limhi—ke’wan rub’el xwankileb’ laj Lamanita. Nayeeman resil ajwi’ lix kamik jun profeet sa’ xk’ab’a’ xpaab’aal, aj Abinadi xk’ab’a’. Laj Alma najale’ xch’ool naq yoo xtz’ilb’al rix laj Abinadi. Sa’eb’ li ch’ol 25–28 naxye resil chanru naq li ralal laj Alma ut kaahib’eb’ li ralal li rey aj Mosiah ke’jale’ xch’ool. Sa’ li ch’ol 29 li rey aj Mosiah kixye naq che’ok aj raqol aatin chi taqlank ruuchileb’ li rey. Laj Alma ralal laj Alma kixaqab’aak xb’een wa choq’ xb’eenil aj raqol aatin.