Jaljookil ru eetalil

Wan naq jun chi na’leb’ na’ok choq’ ruuchil malaj choq’ reetalil jalan chik. Sa’eb’ li santil hu, wan naq na’oksiman junaq k’a’ re ru, malaj k’a’ru nak’ulman choq’ reetalil jun na’leb’ malaj tzol’leb’ re li evangelio. Qayehaq, sa’ lix Hu laj Mormon li profeet aj Alma kiroksi jun iyaj choq’ reetalil li raatin li Dios (Alma 32).

Eb’ li profeet sa’ chixjunileb’ li loq’laj hu neke’xk’ut li jaljookil ru eetalil chirix li Jesukristo. Wan naq li eetalil a’in wan sa’eb’ li k’ojob’anb’il k’anjel (Mois. 6:63), li mayej (Heb. 9:11–15; Mois. 5:7–8), li loq’laj wa’ak (JJS, Mar. 14:20–24 [apendice]; Luk. 22:13–20), ut li kub’iha’ (Rom. 6:1–6; Tz. ut S. 128:12–13). Naab’al reheb’ li k’ab’a’ej sa’ li Santil Hu wankeb’ choq’ eetalil. Sa’ li Najter Chaq’rab’, li k’anjel sa’ li loq’laj muheb’aal ut lix chaq’rab’ laj Moises wankeb’ choq’ reetalil li yaalil na’leb’ re junelik (Heb. 8–10; Mos. 13:29–32; Alma 25:15; Hel. 8:14–15). Wan junjunq chik li eetalil sa’ Mateo 5:13–16; Jwan 3:14–15; Jakob 4:5; Alma 37:38–45.