Sant Chi’ilmanq ajwi’ Santilal; Santob’resink; Saq ru, xsaqal ru Li k’a’ru loq’, wan diosilal rik’in, malaj saq ru sa’ xmusiq’ ut sa’ xch’ool. Chi junpak’al li k’a’ru sant wan li k’a’ru muxb’il malaj tz’aj ru. Texwanq chiwu choq’ jun awa’b’ejihom chi aj tij, ut jun santil tenamit, Exo. 19:5–6 (1 Pe. 2:9). Li Qaawa’ kixtaqlaheb’ laj Israel: Santaqex, xb’aan naq santin laa’in, Lev. 11:44–45. Ani ch’ajb’il li ruq’ ut saq ru xch’ool taaxaqliiq sa’ lix santil na’aj, Sal. 24:3–4. Te’xk’ut chiru lin tenamit b’ar wan li sant ut b’ar wan li muxb’il, Esek. 44:23. Li Dios kooxb’oq rik’in jun santil b’oqok, 2 Tim. 1:8–9. Chalen chaq aaka’ch’inal xanaweb’ ru li santil tz’iib’anb’il hu, 2 Tim. 3:15. Ke’aatinak li santil winq re li Dios chi eek’asinb’ileb’ xb’aan li Santil Musiq’ej, 2 Pe. 1:21. Chixjunil li winq taaraqe’q aatin chirixeb’ jo’ chanru li yaal ut li santilal li wan rik’in li Dios, 2 Ne. 2:10. Li ruchich’och’il winq na’ok choq’ santob’resinb’il aj paab’anel sa’ xk’ab’a’ lix tojb’al rix li maak xb’aan li Kristo, Mos. 3:19. Texb’eeq jo’ chanru lix santil k’anjelil li Dios, Alma 7:22 (Alma 13:11–12). Eb’ li oxib’ chi tzolom ke’santob’resiik sa’ li tz’ejwalej, re naq santeb’ ke’kana, 3 Ne. 28:1–9, 36–39. Maab’atz’unle li k’a’aq re ru loq’, Tz. ut S. 6:12. Moko tatruuq ta chixtz’iib’ankil li k’a’ru loq’, ka’ajwi’ wi k’eeb’il aawe inb’aan, Tz. ut S. 9:9. Teeteneb’ eerib’ chi k’anjelak rik’in anchal li santilal chiwu, Tz. ut S. 43:9. Eb’ lin tzolom te’xaqliiq sa’eb’ li na’ajej sant, Tz. ut S. 45:32. Li k’a’ru nachal chaq taqe’q loq’, Tz. ut S. 63:64. Eb’ li kok’al ka’ch’ineb’ xyu’am santeb’, Tz. ut S. 74:7. Tinwosob’tesi li na’ajej a’an re naq santaq, Tz. ut S. 124:44. Li Qaawa’ tixch’utub’eb’ li sik’b’ileb’ ru xb’aan, toj sa’ jun Santil Tenamit, Mois. 7:62.